पहिला पाऊस

पहिल्या पावसातली ती पहिली भेट,

उत्सुकता शिगेला पोहोचलेली...

कसा असेल तो, कसा वागेल तो ...

फोन वर असंख्य बडबड करणारा हाच असेल न तो?

हुः! वेडं मन काहीही विचार करतं...!

मनी हुरहुर, काहुर दाटलेली...

त्याच्यासोबत जाण्याची ती उत्सुकता शिगेला पोहोचलेली...

ती पावसातली आल्हाद दुपार ,

रिमझिम सरीत भिजणारे दोघं...

हातात हात घेउन मूंक संवाद साधणारे दोघं...

हळूच येणारी वार्याची झुळूक

तिच्या मोकळ्या केसांत गुंतून जाते...

तिचं सौंदर्य अधिकच खुलवून जाते....

भारलेल्या मनचा 'तो'...

तिला बराच कही सांगायचा असता...

हुः! पण शब्दच मिळत नाहीत...

आतुरलेली 'ती' सारं काही ऐकायला तयार असते ...

पण तो बोलतच नाही...

त्याच्या डोळ्यात पाहताना खरं तर सारं समजलेलं असतं...

पण तेच 'त्या'च्या शब्दत ऐकायचं असतं...
मनी हुरहुर, काहुर दाटलेली...

'त्या'चे शब्द ऐकायची ती उत्सुकता शिगेला पोहोचलेली....

प्रेमात तुझ्या...

हलकेच वाटे तुझ्या कवेत, निजुन जावे सुरांसवे...
टिपुर चांदण्यात आठवांचे मोती जसे विरघळावेत....
तुझ्या प्रीतिची सर चकोरिला येणार नाही,
चंद्राची कोर जशी रोहिणीला विसरणार नाही...
गाण्यातली ती धुंद रात्र हलकेच आपल्यात उतरावी...
भिजून जावी ओल्या शब्दांत भावनांनी ओथंबावी...............!!!

सुगंध..

पाचुच्या बनी हिर्यांची रांगोळी,

कुणाचं नाव घेऊ त्या मोहोरत्या क्षणी ?

कुणी तरी असावं नाव घेण्यासारखं

कळी उमलावी जशी , तसं अलगद प्रवेशावं

मग त्या हिर्यांच्या रांगोळीत एक पोवाळं बसवावं

निखळ सौंदर्याचं लेणंच भासवं

हिर्याच्या रांगोळीला पाचूचा काठ

मणिकमोत्यांची दारी आरास, आरसी पुढं मोगर्याचा ताट

सुगंध मोगर्याचा दरवळे ताटी

ओंजळीत भरून माझ्या फुलेच फुले वाहती ...

एक वाट..

धुक्यात हरवली एक वाट

वाटेवर होते एक गाव

गावात होते एक तळे

तळ्यात फूलती कमाळाची फूले

कमाळाच्या फुलावर करती भ्रमर भ्रमंती

मधु तेथे अर्थातच माश्या ही जमती

भ्रमर माश्यांची अशी कही मैत्री...

फूले ही फुलायचे विसरुनच जाती

फूलांसोबत वेलींवरती फळे देखिल लगडायची

शुक आणि पिकं तिथं आनंदात बागडायची

सारं काही छान असताना अचानक कुठे तरी माशीच शिंकली

आणि कशी काय कोण जाणे पण धुक्यात ती एक वाट हरवुनच गेली

जाणीव...

अशीच बसले एक दिवस उदास

काहुर कसचं माजलं होतं मनात

रुंजी घालत होत्या भुतकाळातल्या आठवणी...

भविष्याची चाहुल लागली त्याच एक क्षणी...

सर्व काही विसरून मग जोमानं मन कामास लागलं,

भविष्यातली स्वप्नं वर्तमानात उतरवू लागलं ...

अचानक आलं मनात, काहीतरी आगळीक झाली ...

कुणी सांगावं , कुणीतरी मघाशी...

भुताकळावरच फुंकर घातली ...

नवी पहाट...

नवीन समय नवीन साथ

विश्वासाने दिला तुजकडे माझा हात

देशील ना रे मला तुझी साथ...

स्वप्नात पहिन मी उद्याची पहाट

सत्यात आणू नवे काव्य-गात...

नवीन समय नवीन साथ

आले मी तुझ्याकडे नवे स्वप्न पहात

तुला आर्पिली मी माझी काया

घेउन चालु नवे मोह... नवी माया........ :-)

अवखळ नदी...

हल्ली मला नवनवीन रचना सुचताहेत,

मग त्या मेंदीच्या असोत, नाहीतर शब्दांच्या...

सुंदर आकार प्रकार दोन्हीकडे दिसताहेत

दोन्हीकडची गुंफण अलगद उलगडत जाते आहे,

मी काय करू ...

माझ्या मनात अवखळ नदीच वाहते आहे,

नदीच्या दोन्ही काठांवर चैत्र पालवी फूलते आहे,

नवी कविता, नवी रचना स्फुरते आहे...